Gazeta Si – Një 45-vjeçar është arrestuar, pasi u kap në flagrancë duke montuar mina me telekomandë me lëndë plasëse C4, ky dyshohet se do t’ua shiste grupeve kriminale në Lezhë.
Gjatë kontrollit, shtetasit I.Gj., iu gjetën të fshehura në trup 3 mina me telekomandë, me lëndë plasëse C4, për shpërthim në distancë dhe një sasi të vogël lënde narkotike kanabis të cilat u sekuestruan në cilësinë e provës.
Nga hetimet, dyshohet se ky shtetas i montonte vetë minat, me qëllim shitjen grupeve kriminale, për kryerjen e krimeve kundër personit.
Po vijon puna për dokumentimin e plotë të rrethanave të rastit, si dhe për identifikimin e shtetasve të tjerë të përfshirë në këtë veprimtari kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
