Gazeta Si – Një 32-vjeçar u arrestua në Kamëz për djegie automjetesh dhe vjedhje. Sipas policisë, Ilirjan Gjuni akuzohet se gjatë muajit shkurt ka djegur një automjet dhe ka tentuar që t’i vërë flakën edhe një tjetri.
Gjatë këtyre ditëve, ai ka vjedhur edhe një monopatinë. 32 vjeçari rezulton me precedent penalë edhe në fushën e narkotikëve.
“Specialistët për Hetimin e Krimeve të Komisariatit të Policisë Nr. 5, si rezultat i veprimeve hetimore të kryera në kuadër të operacionit “Feedback”, për zbardhjen e djegies së një automjeti, kanë identifikuar, kapur dhe vënë në pranga shtetasin: I. Gj., 32 vjeç, banues në Paskuqan”, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
