Gazeta Si – Katër persona janë arrestuar këtë të diel në Pogradec, pasi iu është kapur 26 kg lëndë narkotike kanabis të cilën e magazinonin prej më shumë se një muaji buzë liqenit.
Në kuadër të operacionit “Restart 15”, janë arrestuar shtetasit: Ardian Toska; Aurel Toska (punonjës pranë Qendrës së rritjes së Rasatit të Koranit); Roni Sulollari; dhe Tane Bllazhe (punonjës pranë Qendrës së rritjes së Rasatit të Koranit).
Mësohet po ashtu se autorët po planifikonin ta trafikonin lëndën narkotike me varka peshkimi drejt Maqedonisë së Veriut, për ta shitur me 500 euro kilogramin.
Ndërkohë, policia vijon hetimet për identifikimin dhe për arrestimin e shtetasve të tjerë që mund të jenë të implikuar në këtë veprimtari kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
