Gazeta Si – “Klassieker” e Holandës është ndërprerë kur rezultati ishte 0-3, për shkak të protestave të tifozëve të ekipit vendës.
Krizë e paprecedentë tek Ajaksi. Nuk mjaftoi nisja më e keqe e kampionatit që 1965-a, por ka ardhur edhe shuplaka e Fejnordit rival për ta përkeqësuar situatën. Në rezultatin 0-3 pas 37 minutash, publiku i ‘Johan Cruijff Arena’ vendosi të protestojë në mënyrën më të keqe, duke shkaktuar ndërprerjen e ndeshjes nga hedhja e sendeve dhe tymueseve në fushë.
Pas 20 minutash lojë, dopietë e Gimenez dhe Fejenordi udhëhiqte 0-2. Në të 37-ën erdhi dhe goli i Paxaio dhe këtu filloi ‘shiu’ i tymueseve dhe sendeve të tjera. Arbitri e ndërpreu menjëherë ndeshjen, ndërsa pushimi nuk shërbeu për zbutjen e zemërimit të tifozëve të Ajaksit. Në vend që të qetësoheshin, ata bënë që ndeshja të mos përfundonte.
Ajax fans unhappy after falling behind 3-0 to Feyenoord today.
— Football Away Days (@AwayDays_) September 24, 2023
The match has been officially abandoned😳🔥
pic.twitter.com/iuJCG3PDq2
Pjesa e dytë nisi në një klimë gati surreale, tension që kaloi në akte të papara dhune. Vandalizëm brenda stadiumit, deri në përleshje trup më trup me forcat e rendit, që duhej të përdornin gazin lotsjellës për të shpërndarë turmën.
Ajax were 3-0 down at home to Feyenoord and started vandalising their own stadium in anger. The match was then abandoned… 😡
— Football Away Days (@FBAwayDays) September 24, 2023
The trouble continued outside the stadium as riot police charge at fans on horses! Wow! 😨pic.twitter.com/ZyqtlrT6J8
Protestat e tifozëve të Ajaksit vijnë nga rendimenti i skuadrës, me 5 pikë dhe në mes të renditjes, -7 nga PSV kryesues. Vetëm një fitore ndaj Herakles në kampionat. Kaq mjafton për të shpërthyer inatin e tifozëve. Tani për Ajaksin priten masa të rënda disiplinore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
