.png)
Reperi Kanye West ka paraqitur dokumente për të ndryshuar zyrtarisht emrin e tij, për t’u njohur thjesht si Ye.
Ai citoi “arsye personale” në dokumentet e gjykatës të paraqitura në Los Angeles.
Vjen gati tre vjet pasi ylli i muzikës, stilisti i modës dhe kandidati për president shkroi në Tëitter për ndryshimin e emrit të tij, pasi publikoi një album të titulluar Ye.
Në atë kohë, ai iu referua “qenies” së tij që zyrtarisht më parë i njohur si Kanye West, tani “Unë jam YE”.
Përveçse një shkurtim i emrit të tij aktual, 44-vjeçari më parë ka thënë se emri i ri ka rëndësi fetare për të.
“Unë besoj se “Ye” është fjala më e përdorur në Bibël dhe në Bibël do të thotë “ti”,” tha West në 2018, duke diskutuar për titullin e albumit të tij.
“Pra, unë jam ti, unë jam ne, jemi ne. Kaloi nga Kanye, që do të thotë i vetmi, në vetëm Ye, thjesht duke qenë një pasqyrim i të mirës, së keqes sonë, i të paqartës, i gjithçkaje.”
Këngëtari do të nxjerrë albumin e tij të ardhshëm, të titulluar në nder të nënës Donda, edhe pse tashmë është vonuar disa herë.
Ai është gjithashtu në mes të një divorci nga Kim Kardashian dhe ka shprehur synimin për të kandiduar për presidentin amerikan në vitin 2024 pasi mori 60,000 vota në vitin 2020.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
