Gazeta Si – Një 48-vjeçar në Lezhë është arrestuar, pasi dhunonte gruan vazhdimisht dhe e kërcënoi me thikë në sy të fëmijëve të mitur. I arrestuari me iniciale B.M., nga fshati Tresh, kërcënoi gruan se do ta vriste me thikë.
Pas njoftimit, policia arrestoi menjëherë 48-vjeçarin duke shmangur përshkallëzimin e një ngjarje të mundshme kriminale.
Në cilësinë e provës materiale u sekuestrua thika. Ndërsa bashkëshortes së tij me iniciale L.M., iu plotësua kërkesë-padia për lëshimin e urdhrit të menjëhershëm të mbrojtjes.
Materialet procedurale iu referuan Prokurorisë pranë Gjykatës së Shkallës së Parë Lezhë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
