Gazeta Si – Deri tani, 2022-shi i Maks Vershtapen nuk ka shkuar në mënyrën më të mirë. Konfirmimi i titullit kalon nëpërmjet sfidës me Leklerk, i cili ka 46 pikë avantazh pas 3 garave të para.
Megjithatë, pas garës së Australisë holandezi ka një arsye për të buzëqeshur: ka lindur skuadra e tij, ‘Verstappen.com Racing’. Një skuadër e krijuar për të marrë pjesë si në garat reale, ashtu edhe në ato virtuale, që janë një tjetër pasion i kampionit të Red Bull-it.
Pilotët e përfshirë në këtë projekt bëjnë pjesë në botën e Vershtapenit. Për garat në rrugë do të jetë babai i tij Jos që do të kërkojë rezultate. Ish-shok skuadre me Mikael Shumakerin te Benetoni, Jos do të marrë pjesë në garat e kampionatit belg ‘rally’, duke mbrojtur ngjyrat e skuadrës së krijuar nga i biri.
Very excited to share with you all, https://t.co/46lRXQtA7q Racing is here 💪
— Max Verstappen (@Max33Verstappen) April 12, 2022
Powered by Red Bull, this initiative will fuel my passion in the virtual & real world of racing together with the teams & drivers I feel closely connected to 🤝 pic.twitter.com/Z4fWPw7N0b
Thierry Vermeulen, djali i menaxherit të Maksit, do të jetë njeriu kyç i skuadrës në kampionatin Adac GT Masters. Te ‘eSports’ ndërkohë Vershtapen do të përfaqëoshet nga Team Redline, skuadra fituese e Le Mans virtuale 2022. Me këtë skuadër kampioni i botës në F.1 ka marrë pjesë në disa gara virtuale.
Për Vershtapenin kjo është diçka shumë e rëndësishme: “Garat kanbë qenë gjithmonë pasioni im më i madh dhe jam vërtet i lumtur ta ndaj këtë dashuri nëpërmjet skuadrës ‘Verstappen.com Racing’, e formuar nga pilotë dhe skuadra, me të cilat jam shumë i lidhur. Përveç argëtimit, mund të ndaj me ta edhe njohuritë e mia për garat, duke shpresuar t’i ndihmoj”.
Projekti është realizuar në bashkëpunim me Red Bull-in, kolosin që ka besuar shumë te holandezi prej shumë vitesh. “Bashkëpunimi i ngushtë me Red Bull-in reflektohet në mbështetjen ndaj ‘Verstappen.com Racing’ për vitet e ardhshme. Kjo më bën shumë krenar”, – ka thënë Vershtapen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
