Gazeta Si – Ëndrra e Bajer Leverkusen është bërë më në fund realitet. Skuadra e trajnerit Ksabi Alonso dhe Granit Xhakës është shpallur kampione e Gjermanisë për herë të parë në histori.
Titulli ishte formalitet për ‘Aspirinat’, të gjithë e kishin pranuar verdiktin. Pas fitores 5-0 kundër Verder Bremenit, Bajer Leverkusen është certifikuar kampion 5 javë para fundit të kampionatit në Bundesligë.
Golat e fitores për Bajer Leverkusen u shënuan nga Bonifejs, Xhaka dhe Virtz (tripletë). Ishte një rrugëtim i jashtëzakonshëm për këtë skuadër, që barazon ecurinë e ndeshjeve pa humbje të Juventusit të Antonio Kontes (43).
‘Meisterschale 2023/24’ është i ‘Aspirinave’ dhe tifozët ende pa vërshëllyer arbitri për fundin e ndeshjes kanë pushtuar fushën. Festë e ligjshme dhe plotësisht merituar. Bajer Leverkusen ka qenë disa herë afër titullit, por nuk ka mundur ta fitojë atë. Tani gjithçka është realitet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
