.png)
Gazeta Si – Shqipëria do ta luajë më 15 qershor 2024 ndeshjen e parë të Europianit. Përballë do të jenë kampionët e Europës, Italia fqinje. Një kundërshtar që shumë nga lojtarët tanë që luajnë në Serinë A e donin në grup dhe dëshira e tyre është plotësuar.
Ndeshja me Italinë luhet në stadiumin e Dortmundit ‘Signal Iduna Park’. Pas 4 ditësh skuadra e trajnerit Silvinjo do të luajë me Kroacinë në qytetin e Hamburgut, ku u hodh shorti i sotëm.
Dhe në fund, më 24 qershor, ndeshja e tretë në grup me Spanjën në Dysledorf. Me shortin e sotëm, shanset e Shqipërisë për një kualifikim të mundshëm duhet thënë se janë vërtet të pakta.
Kalendari i Shqipërisë në Euro 2024
15 qershor – Itali-Shqipëri (Dortmund)
19 qershor – Kroaci-Shqipëri (Hamburg)
24 qershor – Shqipëri-Spanjë (Dyseldorf)
Ndeshja e parë e Europianit luhet më 14 qershor, kur Gjermani ndeshet me Skocinë. Finalja luhet në Berlin, më 14 korrik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
