Në dy muajt e ardhshëm, Joe Biden duhet të ndërtojë një ekip qeverisës që duhet të përballojë një pandemi historike dhe të rindërtojë ekonominë amerikane, duke fituar miratimin e një Senati të kontrolluar nga Republikanët.
Ekipi i tranzicionit të Biden ka verifikuar kandidatët e mundshëm për muaj të tërë dhe do t’i paraqesë presidentit të zgjedhur emrat e mundshëm në ditët në vijim. Biden pritet të përqendrohet së pari në postet që përfshijnë shëndetin publik dhe ekonominë, përfshirë sekretarët e Thesarit dhe Shëndetit dhe Shërbimet Njerëzore.
Presidenti i zgjedhur do të përballet me sfida në disa fronte, përfshirë edhe demokratët, që presin që ai të emërojë kabinetin më gjithëpërfshirës që nga koha e Franklin D. Roosevelt.
Biden mund të shkruajë historinë duke emëruar një person me ngjyrë ose një grua për të drejtuar departamentet e Thesarit ose të Mbrojtjes, dy departamentet e vetme që janë udhëhequr vetëm nga burrat.
Biden, i cili u zotua të bashkojë vendin gjatë fushatës, ka të ngjarë të përpiqet të ekuilibrojë zgjedhjen e figurave të reja së bashku me besnikët e vjetër rreth tij.
Sekretari i Shtetit
Pandemia e koronavirusit dhe dëmet ekonomike që ajo ka lënë pas do të konsumojnë muajt e tij të parë si president. Ekspertët thonë se kjo mund ta bëjë atë të zgjedhë një Sekretar Shteti me përvojë në Departamentin e Shtetit. Kjo e bën Susan Rice, një diplomate me përvojë në politikën e jashtme e cila mbajtur një sërë postesh si diplomate e lartë e Afrikës, ambasadore e SHBA-së në OKB dhe këshilltare e Sigurisë Kombëtare, kandidaten më të mirë për Sekretaren e Shtetit.
Ajo dhe Biden thuhet se kanë një marrëdhënie të ngrohtë, megjithëse kishin përplasje mbi trazirat në vende si Egjipti dhe Libia kur Biden ishte zëvendës president. Por kundërshtimi i fortë i republikanëve për vrasjen e ambasadorin amerikan në Bengazi, gjatë kohës që ajo ishte në detyrë, mund të dëmtojë shanset e Rajs. Kjo ishte pjesërisht ajo që e detyroi atë të tërhiqej nga mandati i dytë si Këshilltare Sigurie e Barak Obamas dhe mund të ishte një faktor përsëri në 2021.
Një tjetër kandidat i mundshëm me lidhje të thella është William Burns, një oficer i Shërbimit të Jashtëm që shërbeu si zëvendës sekretar Shtetit në mandati e parë të Obamës. Ai tani është president i fondacionit Carnegie Endowment për Paqen Ndërkombëtare.
Demokrati i Delaware Chris Coons, i cili tani ka zëvendësuar Biden në Senat dhe senatori i Connecticut Chris Murphy janë po ashtu kandidatë.
Pentagoni
Pothuajse për të gjithë ekspertët janë dakort se posti i Sekretarit së Mbrojtjes do t’i kalojë Mishele Flournoy. Nënsekretarja e mbrojtjes në mandatin e parë të Obamës, është një politikane e respektuar me përvojë të konsiderueshme.
Ajo ka qenë më aktive sa kurrë në muajt e fundit, duke i kërkuar këtë verë Pentagonit duhet të përshpejtojë përpjekjet për të zhvilluar teknologji të reja për të tejkaluar Kinën. Për të, kjo do të thotë që roli i departamentit duhet të marrë një portofol përtej përgatitjes ushtarake tradicionale. “Unë mendoj se pandemia do të përfshihet edhe në shportën e sigurisë kombëtare”, tha Flournoy në një intervistë të fundit.
“Unë mendoj se ka një ndërgjegjësim në rritje me konkurrencën që paraqet Kina, e cila është para së gjithash ekonomike dhe teknologjike,” shtoi ajo.
Një mundësi tjetër për sekretarin e mbrojtjes është senatorja Tammy Duckorth, gjenerale në Irak që është në listën e ngushtë të Biden për zëvendës presidente. Duckorth fitoi një medalje pasi u plagos në Irak kur helikopteri i saj u godit nga një granatë me rrota.
Jack Reed, demokrat i lartë në Komitetin e Shërbimeve të Armatosura, ka qenë në listën e ngushtë të demokratëve për Sekretarin e Mbrojtjes për vite me radhë. Sidoqoftë, ashtu Duckorth, ai shihet si një pretendent më pak i mundshëm kundrejt Flournoy.
Sekretari i Thesarit
Përballja për Sekretarin e Thesarit ka të ngjarë të jetë lufta e parë dhe më e ashpër e demokratëve, duke pasur parasysh që Biden pritet të emërojë ekipin e tij financiar më herët për t’u dhënë atyre kohë të mjaftueshme për të hartuar një paketë stimulimi për bizneset për shkak të pandemisë.
Kontrolli i republikanëve mbi Senatin e bën emërimin e një progresive si senatorja e Massachusetts, Elizabeth Warren, një luftë që mund të harxhojë shumë kapital politik.
Disa anëtarë me ngjyrë të Kongresit, ndërkohë, dëshirojnë një person me ngjyrë si ish Zëvendësi Kryetar të Rezervës Federale Roger Ferguson ose investitori Mellody Hobson që të vihet në krye të këtij departamenti.
Ky realitet kompleks është arsyeja pse Guvernatorja e Rezervës Federale Lael Brainard është shfaqur si një kandidatja më e mirë. Zgjedhja e saj nuk shqetëson askënd. Ajo ka qenë në Rezervën Federale gjatë krizës aktuale dhe ka punuar në departamentin e Thesarit gjatë kohës së Obamës. Dhe ajo do të bënte historinë si gruaja e parë që drejtonte këtë departamenti.
Sekretari i Sigurisë Kombëtare
Alejandro Mayorkas, i cili shërbeu si zëvendës sekretar i Departamentit të Sigurisë Kombëtare gjatë administratës Obama, do të ishte sekretari i parë latin në historinë gati 18-vjeçare të departamentit. Ai gjithashtu drejtoi zbatimin e një programi për fëmijët emigrantë gjatë Presidentit Barack Obama.
Nëse nominohet, Mayorkas mund të përballet me kritika nga senatorët republikanë të cilët ishin kundër këtij programi të presidentit Obama. Asnjë republikan nuk votoi për të konfirmuar Mayorkas si zëvendës sekretar në vitin 2013, gjë që mund të dëmtojë shanset e tij nëse Republikanët mbajnë kontrollin e Senatit.
Departamenti i Drejtësisë
Emri kryesore për këtë post është senatori i Alabamas Dough Jones.
Ai nuk do të shtonte diversitetin e Kabinetit, por ish-avokati amerikan në Alabama ka besueshmëri kur bëhet fjalë për të drejtat civile: Ai udhëhoqi ndjekjet penale të dy anëtarëve të Ku Klux Klan. Jones gjithashtu është një mik i Biden dhe ka punuar me të në fushatën e parë presidenciale të Biden në 1988.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
