Gazeta Si – Kur u pyet për të ardhmen e Marash Kumbullës në Tiranë, Zhoze Mourinjo tha se ai do të qëndrojë te Roma. Por situata në kohë merkatoje ndryshojnë dhe mbrojtësi kuqezi mund të bashkohet me ish-trajnerin e tij, Ivan Juriç.
Trajneri kroat kërkon të forcojë mbrojtjen e Torinos dhe mendon se këtë gjë mund ta bëjë me Kumbullën. Juriç është ai që e lançoi shqiptarin në futbollin e madh, duke e aktivizuar titullar në moshë të re te Verona.
Kumbulla në fakt nuk ka pasur një aktivizim të rregullt me Mourinjon te Roma. Ndoshta Juriç kërkon të përfitojë nga kjo situatë. Lajmi bëhet i ditur nga “Corriere dello Sport”.
Kumbulla është për momentin një objektiv kryesor i Torinos. Por, për të arritur një marrëveshje duhet marrë si pëlqimi i lojtarit, ashtu edhe i Romës.
Dhe klubi kryeqytetas nuk dëshiron ta lërë Kumbullën të lirë pa 20 milionë euro. Në këtë situatë, Juriç e ka të vështirë për të marrë ish-lojtarin e tij. Roma mbetet, të paktën aktualisht, vetëm një dëshirë e kroatit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
