Nga Gazeta ‘Si’-Socialisti Jurgis Çyrbja që dorëzoi mandatin e deputetit, do të pasohet nga Erjon Meka.
Bazuar në listën e deputetëve që garuan në zgjedhjet e 25 prillit 2021, mandati i deputetit i takon Mekës, pasi Denis Deliu dhe Arkend Bala kanë marrë mandatin e deputetit pas Lefter Kokës dhe Rrahman Rrajës.
Jurgis Çyrbja dorëzoi sot mandatin e deputetit dy ditë pasi u mor në pyetje nga prokurorët në SPAK. Vendimi për t’i dhënë fund detyrës si ligjvënës është konfirmuar nga vetë Çyrbja.
Të martën Çyrbja u paraqit në dyert e SPAK rreth orës 10:00 të paradites dhe për 5 orët në vijim dha deklarime para organit të akuzës në lidhje me një kallëzim të bërë nga Edi Paloka, gjatë kohës që deputeti mbante pozicionin e kreut të Hipotekës së Durrësit.
Ai doli nga Prokuroia e Posaçme në orën 15:00, por refuzoi të ndalej që të prononcohej për gazetarët. Ligjvënësi i PS për qarkun e Durrësit nuk ndau asnjë detaj mbi arsyen e pranisë në SPAK, përveç se ishte paraqitur si person në dijeni për një çështje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
