.png)
Gazeta Si – Edhe Jurgen Klop ka komentuar me një lloj habie shifrat astronomike të shpenzuara nga Çelsi në merkaton e dimrit.
“Nuk do të them asgjë pa avokatin tim, – ka bërë shaka trajneri i Liverpulit në konferencë shtypi. – Nuk e kuptoj si ka mundësi, por nuk më takon mua të shpjegoj si funksionojnë gjërat. Nuk e kuptoj këtë pjesë të biznesit, por sigurisht janë shifra të mëdha. Janë të gjithë lojtarë shumë të mirë, kështu që komplimente atyre”.
Londinezët kanë bërë fushatën e blerjeve më faraonike të historisë, duke kapur shifrën 327 milionë euro, më shumë se sa kanë shpenzuar klubet e Serisë A, Bundesligës, Ligës dhe Ligue1 të gjithë bashkë. Vetëm për Enco Fernandez u shpenzuan 120 milionë euro, duke e bërë atë lojtarin, për të cilin është paguar më shumë në Premier Ligë.
Argjentinasit i shtohen edhe blerjet e Mudrik, Badiashile, Madueke, Gusto (vjen në verë), Santos dhe Fofana, si dhe huazimi i Zhoao Feliks. Klop në anën tjetër është mjaftuar vetëm me 40 milionë eurot e shpenzuara për Kodi Gakpo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
