Gazeta Si – Mançester Junajtid ka bërë të ditur se ka një problem disiplinor për Xhedon Sanço. Me anë të një komunikate zyrtare klubi anglez ka bërë të qartë situatën e sulmuesit të blerë nga Borusia Dortmund.
“Lojtari, – shkruhet në njoftimin e Mançester Junajtid, – po vazhdon një program stërvitjeje personal, jashtë grupit të skuadrës së parë, në pritje të zgjidhjes së një problemi disiplinor”.
Shtypi britanik ndërkohë bën me dije se ‘Djajtë e kuq’ kanë fiksuar tashmë edhe lojtarin që do të zëvendësonte Sançon dhe ai është gjeorgjiani Khviça Kvaratskhelia. Mançester Junajtid po monitoron lojtarin e Napolit, për të bërë ofertën në momentin e parë të parshtatshëm.
Kohët e fundit Mançester Junajdit ka pasur jo pak probleme me lojtarë të caktuar, mes tyre edhe Kristiano Ronaldo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
