.png)
Joe Biden u shmang pyetjeve në lidhje me aftësinë e tij mendore dhe aftësinë e tij për garen presidenciale të premten në një intervistë televizive që synonte të vinte në vijë performancën katastrofike në debatin e pak ditëve më parë.
Me rritjen e rebelimit midis disa votuesve, ligjvënësve dhe donatorëve nervoz demokratë, ballafaqimi tek a tek e rrjetin ABC u përfol si më i rëndësishmi në karrierën e gjatë të presidentit 81-vjeçar.
Por seanca 22-minutëshe u duk se dha pak siguri, pasi Biden fajësoi sëmundjen për performancën e tij nën nivel dhe në mënyrë të përsëritur hodhi poshtë anketimet dhe frikën brenda partisë së tij se debati kishte dëmtuar rëndë perspektivat e tij.
"Isha i sëmurë ... Thjesht kisha një ftohje shumë të keqe," tha presidenti, në fjalimin e tij të parë të pashkruar që nga përballja e javës së kaluar me rivalin republikan Donald Trump.
Intervista kishte për qëllim të ndihmonte Biden-in t'i bënte ballë stuhisë, por zëri i tij i ngjirur dhe përgjigjet gjarpëruese tërhoqën kritikat e menjëhershme të demokratëve për t'u shfaqur "pa kontakt".
I pyetur nëse qëndrimi në garë mund të rrezikojë mbajtjen e demokratëve në Shtëpinë e Bardhë, Biden tha: "Unë nuk mendoj se dikush është më i kualifikuar për të qenë president ose për të fituar këtë garë se unë".
Ai shmangu thirrjet që mjekët të vlerësojnë mprehtësinë e tij mendore, duke thënë se: "Unë kam një test njohës çdo ditë. Çdo ditë e bëj atë test, gjithçka mund të bëj".
Intervista erdhi pasi Biden ishte hezitues dhe shpesh jokoherent gjatë debatit kundër Trump në Atlanta, duke sjellë panik brenda partisë së tij dhe thirrje që ai të tërhiqej nga gara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
