.png)
Gazeta Si – Aeroplani që u rrëzua në Indi, konkretisht në një rezidencë studentësh në Ahmedabad, është vetëm i fundit në një listë të gjatë incidentesh në të cilat avionët kanë rënë në shtëpi ose zona të populluara, duke shkaktuar viktima në tokë. Ja disa nga më të rëndat në 30 vitet e fundit:
12 nëntor 2001 – Belle Harbor, Nju Jork: Një “Airbus A300” i “American Airlines”, gjatë rrugës për në Santo Domingo, u rrëzua dy minuta pas ngritjes nga “Aeroporti Kennedy” i Nju Jorkut, duke u përplasur në shtëpitë e banimit në lagjen “Belle Harbor”. Përveç 260 personave në bord, pesë banorë në tokë u vranë.
25 korrik 2000 – Paris, Francë: Një “Concorde” i “Air France”, duke u nisur nga “Aeroporti Charles de Gaulle”, u rrëzua menjëherë pas ngritjes, duke u përplasur në një hotel, duke vrarë 113 persona, përfshirë katër në tokë.
31 tetor 1996 – Jabaquara, Brazil: Një “Tam Fokker 100” u rrëzua në një lagje të klasës punëtore në São Paulo, duke vrarë 116 persona, përfshirë 21 në tokë.
23 tetor 1996 – Manta, Ekuador: një “Boeing 707” i kompanisë “Million Air”, me destinacion Majemin, nuk arrin të ngrihet dhe përplaset në një grup shtëpish në Manta, pasi godet një kullë: tre pilotët dhe 24 persona në tokë vdesin; 48 të tjerë plagosen.
8 janar 1996 – Kinshasa, Republika Demokratike e Kongos: Një aeroplan mallrash “Antonov 32” u rrëzua në një treg të mbushur me njerëz, duke vrarë të paktën 350 njerëz në tokë, duke e bërë atë një nga aksidentet më të rënda në botë me viktima në tokë.
4 tetor 1992 – Amsterdam, Holandë: Një aeroplan mallrash izraelit “El Al” u rrëzua në dy ndërtesa banimi, duke vrarë të paktën 64 njerëz në tokë.
6 dhjetor 1990 – Një aeroplan ushtarak “Aermacchi MB-326” u rrëzua në një shkollë në Casalecchio di Reno (Bolonja). Dymbëdhjetë nxënës vdiqën. Rreth 100 u plagosën, përfshirë pilotin.
28 gusht 1988 – Ramstein, Gjermani: Gjatë një shfaqjeje në ajër dy aeroplanë nga ekipi akrobatik italian u përplasën në ajër dhe u përplasën mbi spektatorët, duke vrarë 70 persona.
30 korrik 1987 – Meksiko Siti: Një aeroplan me katër motorë rrëzohet në periferi të Meksiko Sitit, duke vrarë 54 persona, 50 prej të cilëve ishin në tokë.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
