.png)
Mijëra armenë u mblodhën në Jerevan për të përkujtuar vrasjet masive të vuajtura nga turqit osmanë gjatë Luftës së Parë Botërore.
Ishte 24 prill i vitit 1915, kur gjenocidi armen filloi me arrestimin e 2,500 njerëzve në Stamboll, të dëbuar dhe më pas të ekzekutuar.
Armenët kanë kërkuar prej kohësh që vrasja e 1.5 milionë njerëzve në kolapsin e Perandorisë Osmane të njihet ndërkombëtarisht si gjenocid.
Turqia mohon natyrën gjenocidale të vrasjeve, duke argumentuar se 300,000, deri në 500,000 armenë dhe të paktën po aq turq humbën jetën në konflikt civil, kur armenët u rebelua kundër sundimtarëve të tyre Osmanë dhe dolën në krah të pushtimit të trupave ruse.
Deri më tani, të paktën 29 vende – përfshirë Rusinë dhe Francën – i kanë njohur mizoritë si gjenocid, megjithë kundërshtimin e ashpër nga Turqia.
“Ne duhet të mësojmë nga historia, – tha Papa Françesku, – në mënyrë që të mos përsërisim gabimet e së kaluarës”.
“Komuniteti ndërkombëtar, duhet të jetë vigjilent dhe i vendosur për mosndëshkimin që gjeneron gjenocidet e reja”, thotë Shenjtëria e Tij Aram I, duke ftuar të mos harrojmë se si filloi gjithçka.
Një tragjedi, që presidenti i SHBA-ve, Joe Biden e ka njohur formalisht si gjenocid në 106-vjetorin e nisjes së masakrës.
Masa historike e Biden – asnjë president amerikan nuk e kishte bërë kurrë më parë – rrezikon të ndezë më tej tensionet midis Uashingtonit dhe Ankarasë, një aleat nën mbështetjen e NATO-s.
Jerevani gjithashtu kërkoi kompensim financiar nga Turqia dhe rivendosjen e të drejtave pronësore për pasardhësit e të vrarëve në masakrat e periudhës së viteve 1915-1918.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
