Gazeta Si – Andrij Jarmolenko ka dashur t’ia dedikojë vendit të tij fitoren e ndaj Skocisë. Një fitore që e afron Ukrainën me Botërorin e Katarit 2022.
“Faleminderit për mbështetjen tuaj! Faleminderit që besuat te ne, – ka shkruar ish-lojtari i Uest Hemit në Instagram. – Ia dedikojmë këtë fitore popullit ukrainas, çdo luftëtari që aktualisht mbron vendin tonë. Do ta fitojmë këtë luftë patjetër”.
Pas fitores 3-1 ndaj Skocisë, kapiteni Jarmolenko me shokë duhet të mendojnë për finalen e ‘play-off’-it ndaj Uellsit. Një ndeshje e planifikuar të luhet më 5 qershor, në Kardif.
“Do të jetë momenti vendimtar, – shkruan sulmuesi ukrainas. – Duam t’u bëjmë një dhuratë të gjithë ukrainasve. Do të japim gjithçka, do të luftojmë me të gjitha forcat. Lavdi Ukrainës!”
Për në Botërorin e Katarit ka mbetur edhe një biletë e lirë dhe ajo do të diskutohet mes Ukrainës dhe Uellsit. Jarmolenko beson se do të realizohet ëndrra e Katarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
