Gazeta Si – Japonia dhe Arabia Saudite janë kualifikuar për në fazën finale të Botërorit të Katarit para mbylljes së ndeshjeve në grup. Japonezët fituan 0-2 ndaj Australisë në Sidnei, duke e detyruar kështu kombëtaren e kangurëve të shkojë në ndeshjen shtesë për të diskutuar kaulifikimin.
Ndeshja mes këtyre skuadrave u vendos një një dygolësh i Mitoma, i cili u fut në fushë 6 minuta para fundit të kohës së rregullt. Sulmuesi anësor, që luan në Belgjikë me Union Sg, shënoi në minutën e 89-të dhe pastaj në shtesë.
Arabia Saudite ndërkohë ka fituar një biletë për në Katar 2022 para se të zbriste në fushë ndaj Kinës. Dhe kjo ka ndodhur pikërisht për shkak të fitores së Japonisë në Australi.
Kombëtaret e kualifikuara deri tani për në Botërorin e Katarit janë këto: Katari (si vend organizator), Gjermania, Danimarka, Brazili, Franca, Belgjika, Kroacia, Serbia, Spanja, Zvicra, Anglia, Holanda, Argjentina, Irani, Korea e Jugut, Japonia dhe Arabia Saudite. Janë 17 skuadra të kualifikuara nga 32 që do të marrin pjesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
