Gazeta Si – Bilanci i parë i rëndë nga kalimi i tajfunit Shanshan në Japoni, është të paktën tre persona të vdekur dhe një i katërt u zhduk mëngjesin e kësaj të enjteje në jug-perëndim për shkak të erërave të dhunshme, që goditën prefekturën Kagoshima, duke sjellë shi të rrëmbyeshëm dhe shpërthime ere mbi 250 kilometra në orë.
Lajmin e ka bërë të ditur kreu i kabinetit, Yoshimasa Hayashi, siç raporton agjencia e lajmeve “Reuters” në faqen e saj të internetit.
“Meqenëse ky tajfun lëviz ngadalë, sasia totale e shiut mund të jetë mjaft e madhe”, shtoi Hayashi gjatë një konference për shtyp, duke vënë në dukje se dy persona u plagosën rëndë.
Tajfuni më i fuqishëm i vitit i Japonisë, arriti në tokë në ishullin kryesor jugor të vendit, Kyushu, shtëpia e 12.5 milionë njerëzve, rreth orës 8 të mëngjesit.
Agjencia e lajmeve “Kyodo” “raporton se tre viktimat janë anëtarë të së njëjtës familje, një çift rreth të shtatëdhjetave dhe djali i tyre tridhjetë vjeçar, i cili vdiq pasi një rrëshqitje dheu zhvendosi shtëpinë e tyre në Gamagori, një qytet në prefekturën qendrore të Aichi.
Njëzet e gjashtë persona u plagosën – përfshirë 10 në një tornado – dhe më shumë se 150 ndërtesa u dëmtuan në orët e para në prefekturën Miyazaki në bregun e Paqësorit Kyushu, tha një zyrtar lokal për agjencinë e lajmeve AFP.
Pjesa më e madhe e dëmeve është shkaktuar nga thyerja e xhamave apo rënia e objekteve nga erërat e forta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
