.png)
Gazeta Si – Pozicioni i Jack Teixeiras, rezervisti 21-vjeçar i Gardës Kombëtare Ajrore të Massachusetts, SHBA, i arrestuar muajin e kaluar për zbulimin e dhjetëra dokumenteve konfidenciale të Pentagonit në internet, është rënduar.
Në prag të paraqitjes së tij në gjykatë për vlerësimin e masës së sigurisë, kanë dalin detaje të reja për këtë çështje.
Para së gjithash, i riu, i regjistruar si teknik i infrastrukturës së IT-së që mbron informacionin e klasifikuar të Pentagonit, ka ndarë me shtetas të huaj një pjesë të materialit “top sekret”, raporton gazeta “Washington Post”.
Deri në mars, ai ndante sekretet me dhjetëra miq në internet nga e gjithë bota në Discord, një platformë sociale e njohur në mesin e lojtarëve.
Tani, mësohet gjithashtu se gati shtatë muaj përpara se autoritetet federale ta akuzonin, eprorët e tij e panë atë duke aksesuar informacione të klasifikuara që nuk kishin lidhje me punën e tij, duke mbajtur shënime dhe duke i futur ato në xhepin e tij.
Duke mësuar këtë gjë, zyrtarët ushtarakë, e kishin paralajmëruar në të paktën 2 raste – në shtator dhe tetor 2022 – zbulojnë dokumentet më të fundit të paraqitura nga magjistratët në funksion të seancës së të premtes (19 maj), ku do të kërkojnë që Texeira të lihet në burg pa afat.
Pasi u zbulua, jo vetëm që djali u lejua të vijonte në punën e tij – me akses në informacionin “top-sekret” – por më vonë iu dha një certifikatë se kishte përfunduar trajnimin kundër “zbulimit të paautorizuar” të informacionit të klasifikuar.
Një dëshmi se, “i vetëdijshëm për detyrimet e tij”, ai me vetëdije ka shkelur ligjin ushtarak amerikan.
Për më tepër, midis postimeve të platformës Discord të pazbuluara më parë, ekziston një nga dhjetori 2022, në të cilin Texeira mburrej se kishte shkelur “një ton rregulloresh UD”, ato që bien nën “zbulimin e paautorizuar”.
Informacioni i ri forcon pozicionin e autoriteteve federale, sipas të cilave lirimi i të riut do të përbënte rrezik për sigurinë kombëtare.
Por ata gjithashtu ngritën pyetje të reja shqetësuese, nëse ushtria ka humbur mundësitë për të ndaluar ose kufizuar një nga rrjedhjet më të rrezikshme në historinë e fundit.
Ndërkohë, në pritje të rezultatit të një hetimi të brendshëm, dy nga eprorët e tij janë pezulluar nga administrata e Pentagonit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje