.png)
Nga Gazeta ‘Si’- Tensionet mes Izraelit dhe Iranit janë rikthyer, vetëm pak orë pas shpalljes së një armëpushimi historik të ndërmjetësuar nga SHBA. Irani ka hedhur poshtë akuzat e Izraelit se ka shkelur marrëveshjen duke lëshuar raketa balistike në drejtim të territorit izraelit.
Sipas transmetuesit shtetëror iranian IRIB dhe agjencisë së lajmeve ISNA, autoritetet iraniane mohojnë kategorikisht se kanë kryer ndonjë sulm ndaj Izraelit pas hyrjes në fuqi të armëpushimit.
Nga ana tjetër, Ministri i Mbrojtjes i Izraelit, Izrael Katz, ka akuzuar Iranin për shkelje të drejtpërdrejtë të marrëveshjes dhe ka urdhëruar “sulme intensive” ndaj objektivave në Teheran.
Media izraelite raportoi më herët se forcat izraelite kishin ndaluar me sukses dy raketa balistike të lëshuara nga Irani, megjithëse autoritetet iraniane e quajnë këtë një “provokim të rremë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
