.png)
Gazeta Si – Izraeli nisi një sulm kundër Iranit pikërisht në ditëlindjen e liderit suprem Ali Khamenei. Mediat raportojnë se shpërthime janë dëgjuar gjatë natës në afërsi të Esfahanit, ku është goditur një bazë ajrore ushtarake.
SHBA konfirmoi sulmin dhe bëri të ditur se nuk e kishte autorizuar Tel Avivin. Izraeli, nga ana e tij, kishte paralajmëruar Shtetet e Bashkuara për sulmin e afërt, duke u siguruar që nuk do të godiste vendet bërthamore.
Prandaj, sulmi ishte “i kufizuar” dhe nuk shkaktoi asnjë dëm, sipas një komandanti iranian. Tre dronë u rrëzuan mbi Esfahan.
Pasi e mbylli atë si masë paraprake, Irani rihapi disa orë më vonë hapësirën ajrore. Sipas analistëve, sulmi izraelit është në përputhje me kërkesat e SHBA-së dhe aleatëve të saj për të mos rritur tensionin në rajon. Parashikimi është se Teherani nuk do të përgjigjet.
Menjëherë pas sulmit, Teherani aktivizoi sistemin e mbrojtjes ajrore, ndërsa tha se centralet bërthamore janë të sigurta. Deri më tani nuk raportohet për viktima apo dëme, citojnë mediat shtetërore iraniane një gjeneral ushtrie.
Një zyrtar Iranian thotë se nuk ka pasur sulm me raketa nga Izraeli, por fluturim dronësh. “Përpjekje e dështuar e Izraelit përmes dronësh”, tha zyrtari Iranian.
Irani ka qenë në gatishmëri të lartë pasi Izraeli tha se do t’i përgjigjej. Teherani lëshoi më shumë se 300 raketa e dronë në Izrael mesnatën mes 13 dhe 14 prillit, si hakmarrje ndaj sulmit në konsullatën e tij në Damask të Siri, më 1 prill.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
