.png)
Gazeta Si – Gjatë natës midis të hënës, 15 shtator dhe të martës, 16 shtator, ushtria izraelite nisi një pushtim masiv të Gazës me aeroplanë, dronë, raketa dhe helikopterë.
“Ky operacion është vetëm fillimi”, shpjeguan zyrtarët ushtarakë izraelitë. Tanket dhe forcat speciale përparuan drejt e në qendër të qytetit, ku besohet se fshihen shumë nga pengjet.
Presidenti amerikan Trump kërcënoi Hamasin: “Mos i përdorni pengjet si mburoja njerëzore, përndryshe çdo gjë do të jetë e mundur”.
Netanjahu i falënderoi ata për “mbështetjen e tyre të palëkundur”. Familjet e pengjeve u përpoqën ta ndalonin pushtimin duke protestuar jashtë shtëpisë së Netanyahut: “Kjo mund të jetë nata e tyre e fundit”.
Mediat në Rrip raportojnë 37 sulme në 20 minuta dhe një eksod masiv nga zona veriperëndimore e qytetit të Gazës, ndërsa në videot e postuara në mediat sociale, qielli mbi enklavë duket se ka marrë ngjyrë portokalli.
Sakaq, zhurma e shpërthimeve intensive nga ofensiva në Gaza mund të dëgjohet edhe në Izraelin qendror.
Ndërkohë, Forumi i Familjeve të Pengjeve të Izraelit po nis një “apel të dëshpëruar” për të mbrojtur të dashurit e tyre, duke akuzuar kryeministrin Benjamin Netanyahu se i ka sakrifikuar ata.
Por një komision hetimor ndërkombëtar i pavarur i Kombeve të Bashkuara akuzoi sot Izraelin për kryerjen e “gjenocidit” në Rripin e Gazës që nga fillimi i luftës më 7 tetor 2023, me “qëllimin për të shkatërruar” palestinezët.
“Ne kemi arritur në përfundimin se gjenocidi po ndodh dhe vazhdon të ndodhë në Gaza, dhe se përgjegjësia i takon Shtetit të Izraelit”, tha kryetarja e komisionit, Navi Pillay.
Komisioni hetimor arriti në përfundimin se autoritetet dhe forcat e sigurisë izraelite kryen “katër nga pesë aktet e gjenocidit” të përcaktuara nga Konventa e vitit 1948 për Parandalimin dhe Ndëshkimin e Krimit të Gjenocidit.
Këto janë: “vrasja e anëtarëve të grupit; dëmtime të rënda trupore ose mendore ndaj anëtarëve të grupit; shkaktimi i qëllimshëm i kushteve të ekzistencës në grup të llogaritura për të sjellë shkatërrimin e tij fizik në tërësi ose pjesërisht; dhe masa që synojnë të parandalojnë lindjet brenda grupit”.
Komisioni arriti në përfundimin se Presidenti izraelit Isaac Herzog, Kryeministri Benjamin Netanyahu dhe ish-Ministri i Mbrojtjes Yoav Gallant “nxitën gjenocid dhe se autoritetet izraelite dështuan të merrnin masa” për ta parandaluar atë.
“Është e qartë se ekziston një qëllim për të shkatërruar palestinezët në Gaza përmes akteve që plotësojnë kriteret e përcaktuara në Konventën e Gjenocidit”, vuri në dukje në një deklaratë znj. Pillay, ish-Presidente e Tribunalit Ndërkombëtar Penal për Ruandën dhe gjyqtare në Gjykatën Ndërkombëtare Penale (ICC).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
