.png)
Gazeta Si – Ushtria izraelite, me tanke, ushtarë dhe mbështetje të forcave ajrore, hyri në orët e para të mëngjesit të kësaj të premteje në veri të Gazës për herë të tretë në 24 orë dhe sulmoi pozicionet e Hamasit, disa prej të cilave ishin në qytetin e Gazës.
Këtë e ka bërë të ditur vetë ushtria sipas asaj që raportojnë mediat izraelite.
Objektivat do të ishin anëtarët e Hamasit, platformat e lëshimit të raketave antitank dhe selia e Hamasit. Asnjë ushtar izraelit nuk u lëndua.
OPERATIONAL UPDATE: The IDF conducted strikes on Hamas terrorist targets over the last 24 hours.
— Israel Defense Forces (@IDF) October 27, 2023
IDF ground troops, fighter jets and UAVs struck:
🔴 Anti-tank missile launch sites
🔴 Command & control centers
🔴 Hamas terrorist operatives
The troops exited the area and no… pic.twitter.com/yNdiY6XTby
Ndërkohë, Hamasi nuk do të jetë në gjendje të lirojë pengjet derisa të arrihet një armëpushim. Kështu shkruan gazeta ruse “Kommesrant”, duke cituar një burim të Hamasit, pas takimeve të djeshme në Moskë mes një delegacioni të Hamasit dhe përfaqësuesve të qeverisë ruse.
Sipas të njëjtit burim, do të duhet kohë për të gjetur të gjithë ata që u sollën në Gaza nga fraksionet e ndryshme palestineze.
Mëngjesin e sotëm, ushtria amerikane kreu sulme në dy objekte në Sirinë lindore të përdorura nga Korpusi i Gardës Revolucionare Islamike të Iranit dhe grupet që ajo mbështet.
Lajmi u bë i ditur nga Pentagoni, duke shtuar se bastisja ishte në përgjigje të një vale sulmesh kundër forcave amerikane në Irak dhe Siri.
Ndërsa tensionet rriten rreth konfliktit Izrael-Hamas, trupat amerikane dhe të koalicionit janë sulmuar të paktën 19 herë në Irak dhe Siri nga forcat e mbështetura nga Irani gjatë javës së kaluar.
Gjithsej 21 anëtarë të shërbimit amerikan pësuan lëndime të lehta, shumica dërrmuese e tyre lëndime traumatike të trurit.
Sulmet kishin në shënjestër depo armësh dhe municionesh duke përdorur aeroplanë F-15, tha një zyrtar i Pentagonit dhe nuk ishin të koordinuara me Izraelin.
“Këto sulme precize vetëmbrojtëse janë një përgjigje ndaj një serie sulmesh të vazhdueshme dhe kryesisht të pasuksesshme kundër personelit amerikan në Irak dhe Siri nga grupet e milicisë të mbështetur nga Irani që filluan më 17 tetor”, – tha Sekretari i Mbrojtjes i SHBA-ve, Lloyd Austin në një shënim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
