.png)
As Ranieri dhe as Pioli por Gennaro Gattuso, ky do të jetë traineri i ri i Italisë. Zyrtarizimi ndodhi pasditen e të dielës në faqen e internetit të Federatës Italiane që komunikoi se i ka ngarkuar detyrën e trainerit të Kombëtares, Gennaro Gattuso-s. Traineri kalabrez do të prezantohet të enjten e 19 Qershorit në orën 11:00 në kryeqytetin italian. Ndërsa ndeshja e parë që do të drejtojë do të jetë ajo e 5 Shtatorit në Bergamo kundër Estonisë. Për Presidentin Gravina – “Ringhio është simbol i futbollit Italian”.
Asistent i Gattuso-s do të vazhdojë të jetë Gigi Riccio, ndërsa në stafin e të kaltërve do të bashkohen Andrea Barzagli dhe Leonardo Bonucci. Ndërkohë Cesare Prandelli do të jetë Drejtori Tecnik që do të mbulojë sektorin e të rinjve dhe do të harmonizojë kërkesat e Kombëtares së të rriturve. Në Italia do të kualifikohet në botërorin e ardhshëm, Ringhio do ta drejtojë edhe atje. 47 vjeçari është Kampion i Botës me Italinë në 2006 në Gjermani. Si trainer ai punoi te Sion, Palermo, Ofi, Pisa, Milan Primavera, Milan, Napoli, Valencia, Olympique Marseille dhe Hajduk Split.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
