.png)
Nga Gazeta Si- Italia dhe Kroacia do të zbresin mbrëmjen e sotme në fushë për të një vend në 1/ 8-at e Europianit gjerman, edhe pse “Axurrët” nuk kanë qenë shumë me fat në ndeshjet kundër Kroacisë.
Associated Press shkruan se në nëntë përballje mes tyre, Italia ka fituar vetëm 1 ndeshje kundër Kroacisë (miqësore e 5 prillit 1942, 4- 0 në Genova). Në 3 ndeshje të tjera ka fituar Kroacia dhe në total kanë 5 barazime.
Barazimi është kryefjala e përballjeve Itali-Kroaci, duke qenë se tre duelet e fundit radhazi kanë përfunduar 1- 1, dy prej të cilave në Europianët e vitit 2016 dhe 2012.
Kroacia merr pjesë për të shtatën herë në një Europian dhe është pjesë e këtij turneut për të gjashtë herë radhazi.
Nën drejtimin e Zllatko Daliçit, në krye të stolit të përfaqësueses nga viti 2017, Kroacia është renditur e dyta pas Anglisë në Grupin D në “Euro 2020”.
Kroacia në dy edicionet e fundit të një Europiani është eliminuar në 1/8-at.
Italia është kampionë në fuqi e Europës, titulli i tyre i dytë në histori pas atij të fituar në 1968. Më pas, dy renditjet më të mira janë vendet e dyta në “Euro 2000” dhe 2012. Për Italinë kjo është pjesëmarrja e 11-të në një Europian, e teta radhazi për “Axurrët”, pas mungesës në vitin 1992.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
