.png)
Italia po planifikon një rritje domethënëse të taksës ndaj kriptomonedhave, nga 26 në 42% në vitin 2025. Qeveria ka për qëllim të rregullojë një treg në rritje ku përfshihen miliona qytetarë italianë.
Njoftimi i bërë nga ministri i Ekonomisë, Maurizio Leo, u pa si pengesë ndaj inovacionit digjital dhe specifikisht në sektorin e blockchain-it.
Të dhënat nga Shkolla Politeknike e Milanos tregojnë se janë mbi 3.6 mln italainë që merren me tregun e kriptomonedhave. 32% e tyre kanë bërë investime dhe 17% blerje.
Nga ky vendim Italia përllogarit të fitojë 16.7 mln euro të ardhura shtesë.
Sipas të dhënave nga Tax Foundation Europe, norma e tatimit mbi fitimet në kripto në Gjermani është 26.4%, dhe në Spanjë është 28%. 42% rezulton të jetë taksa më e lartë europiane, e aplikuar aktualisht vetëm nga Danimarka. Në Francë është 34%, në Britaninë e Madhe është 20%, dhe në Zvicër rezulton 0%. Përveç Danimarkës, nuk ka asnjë shtet europian ku të jetë më i madh se 40%, aq sa aktualisht e dyta është Norvegjia me 37.8%, dhe e treta është pikërisht Franca me 34%, e barabartë me Finlandën.
Njoftimi i Italisë vjen pasi Bashkimi Europian po përgatitet të zbatojë plotësisht rregulloret gjithëpërfshirëse të bllokut të kriptove, një paketë e njohur si MiCA, në fund të këtij viti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
