Gazeta Si - Një 49-vjeçar shqiptar, baba i tre fëmijëve, është gjetur i vdekur në shtëpinë e tij në Romë të Italisë. Viktima quhet Petrit Caka dhe alarmin e ngriti gruaja e tij, e cila e gjeti të mbuluar me gjak në katin e fundit të pallatit.
Sipas mediave italiane, menjëherë në vendin e ngjarjes shkuan policia dhe urgjenca, por nuk mundën të bënin asgjë për ta mbajtur në jetë shqiptarin.
Në fytyrën e shqiptarit kishte lëndime dhe prerje me thikë. Sipas autoriteteve para se të ekzekutohej ai është dhunuar.
Hetuesit besojnë se autori i vrasjes mund të ketë lënë gjurmë dhe kanë nisur hetimet për identifikimin e tij. Mendohet se ai është goditur me një mjet prerës, thikë ose hanxhar.
Mësohet se 49-vjeçari para se të vritej, kishte shoqëruar fëmijët në shkollë ndërsa gruaja kishte shkuar në punën e saj.
Hetuesit shprehen se shqiptari frekuentonte kazinotë dhe një nga pistat e vrasjes është që të jetë vrarë për ndonjë borxh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
