.png)
Gazeta Si – Tenistja gjermane, Angelique Kerber, ish-numri 1 në botë, kampione e Flushing Meadows 2016, nuk mund të luajë në Us Open. “Jashtë për pak kohë”, – ka shkruar ajo në rrjetet sociale.
Ka përfunduar sezoni në çimento për Angelique Kerber, por gjermanja, ish-numri 1 në botë, është më e lumtur se kurrë. “Doja vërtet të luaja në Us Open, por në fund vendosa se dy kundër një nuk është një garë e drejtë”, – ka shkruar tenistja në Tuiter.
I really wanted to play the @usopen but eventually I decided that two against one just isn‘t a fair competition 👼🫶🏻🍼❤️ pic.twitter.com/Y6rRYOIUDR
— Angelique Kerber (@AngeliqueKerber) August 24, 2022
Kampionja e Flushing Meadows në 2016-ën, Kerber, 34 vjeç, nuk dëshiron ta mbyllë karrierën. “Us Open ka një vend special në zemrën time dhe do doja t’u përshëndesja të gjithëve nga fusha para se të marr pushimet për pak”, – vazhdon Kerber.
Sipas shtypit gjerman, sportistja synon të vazhdojë të luajë deri në vitin 2024, pasi dëshiron të marrë pjesë edhe në Olimpiadën e Parisit.
Tenistja tjetër, Petra Kvitova, ish-numri 2 në botë, ka zbuluar ndërkohë se do të martohet me trajnerin e saj, ish-tenistin Jiri Vanek.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
