.png)
Gazeta Si – Për shkak të mungesë së Ilir Beqajt, por edhe avokatit të tij, është shtyrë për në datën 17 prill seanca ndaj ish-ministrit të Shëndetësisë për dosjen e “Sterilizimit”.
Përmes një shkrese, Beqaj informoi gjykatën se nuk mund të paraqitet për arsye shëndetësore. Gjithashtu ish-ministri kishte kërkuar që të mos zhvillohej një seancë gjyqësore pa prezencën e tij.
Në seancë nuk ishte i pranishëm as përfaqësuesi ligjor i biznesmenit Ilir Rrapaj, i arrestuar dhe i pandehur për këtë dosje.
Ish-ministri i Shëndetësisë Ilir Beqaj, akuzohet nga Prokuroria e Posaçme edhe për abuzime me fondet e Agjencisë Shtetërore të Programimit Strategjik dhe Koordinimit të Ndihmës (SASPAC), e cila drejtohej më herët nga vetë Beqaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
