.png)
Gazeta Si - Ish-kreu i Agjencisë së Kadastrës, Artan Lame ka qëndruar në ambientet e Prokurorisë së Posaçme Kundër korrupsionit prej më shumë se dy orësh mesditën e kësaj të mërkure.
Sipas burimeve, Lame u thirr si person në dijeni për t’u pyetur mbi një dosje e cila po hetohet nga SPAK. Sipas burimeve, dosja ka të bëjë me premtimet për dhënien e legalizimeve në këmbim të votës për zgjedhjet lokale të vitit 2019, ku në pranga pak kohë më parë u vu një ish-punonjës i Aluizni-t dhe një ish-kryeplak.
Në vitet e fundit, ka pasur me dhjetëra punonjës dhe ish-zyrtarë të Kadastrës të arrestuar për abuzime dhe shpërdorim të detyrës.
Lame ka qenë Drejtor i Përgjithshëm i ALUIZNI-t nga viti 2013-2019: dhe nga 2019-ta e deri në mars 2023, Drejtor i Përgjithshëm i ASHK-së (institucion që bashkon ALUIZNI-n dhe Hipotekën). Ai u zëvendësua nga Dallëndyshe Bici.
Në përditësim...
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
