.png)
Gazeta Si - Pesë persona u plagosën gjatë një sulmi me thikë në Dublin, kryeqytetin e Irlandës, rreth orës 13:30 me orën lokale. Tre nga të lënduarit janë fëmijë, të paktën njëri prej tyre është në gjendje të rëndë.
Nga dy të rriturit që u goditën, një grua është në gjendje të rëndë, ndërsa një burrë rezulton të ketë plagë më pak të rënda.
Personi përgjegjës për sulmin, një burrë “në të pesëdhjetat”, u arrestua; u gjet arma e sulmit, një thikë e gjatë.
Sipas burimeve policore të cituara nga “Irish Times”, sulmuesi kishte vetë-shkaktuar plagë. E njëjta gazetë pretendon se personi përgjegjës është ndaluar nga kalimtarët.
"Kishte një errësirë të plotë", i tha agjencisë së lajmeve “Reuters” një dëshmitar, Anthony Boyle, 31 vjeç. "Kishte gra dhe burra që qanin dhe bërtisnin".
Policia irlandeze tha se ata tashmë kanë një ide të qartë të asaj që duhet ndjekur për të kuptuar arsyet e incidentit dhe se aktualisht nuk po ndjekin ndonjë bashkëpunëtor të personit përgjegjës.
Policia tha se nuk beson se sulmi ishte i lidhur me një motiv terrorist.
Sulmi ndodhi pranë një shkolle - Gaelscoil Coláiste Mhuire - në sheshin Parnell, pranë rrugës O'Connell, një nga rrugët më të njohura të Dublinit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
