.png)
Gazeta Si – Ekipi kombëtar iranian nuk do të marrë pjesë në Kupën e Botës 2026, e cila do të mbahet këtë verë në Shtetet e Bashkuara, Meksikë dhe Kanada.
Vendimi kishte qenë i paqartë pas konfliktit që shpërtheu në Lindjen e Mesme në javët e fundit, por konfirmimi erdhi nga ministri i Sportit i Iranit, Ahmad Donjamali, në një intervistë televizive: “Meqenëse kjo qeveri e korruptuar vrau udhëheqësin tonë [Ali Khamenei], ne nuk kemi ndërmend të marrim pjesë në Kupën e Botës”.
Donjamali theksoi “masat e liga të marra kundër Iranit” nga Shtetet e Bashkuara: “Dy luftëra na u imponuan brenda tetë ose nëntë muajsh dhe disa mijëra qytetarë iranianë u vranë. Ne nuk kemi absolutisht asnjë shans për të marrë pjesë”.
🇮🇷 Irán avisa de que no irá al Mundial debido al conflicto en Oriente Medio.
— El Chiringuito TV (@elchiringuitotv) March 11, 2026
❌ Lo ha anunciado Ahmad Doyanmali, ministro de Deportes de Irán.
Vía 'iribnews' pic.twitter.com/AdvfZzlV5O
Pavarësisht luftës, presidenti i SHBA-ve, Donald Trump, shpresonte që Irani të bënte një paraqitje të rregullt.
Presidenti i FIFA-s, Gianni Infantino, theksoi se “një ngjarje si Kupa e Botës, shërben më shumë se kurrë për të bashkuar njerëzit. Gjatë bisedimeve, presidenti Trump përsëriti se ekipi iranian është natyrshëm i mirëpritur të marrë pjesë në turne në Shtetet e Bashkuara”, tha Infantino, disa orë para njoftimit të ministrit iranian.
Irani ishte kualifikuar të luante në finalet e Kupës së Botës 2026 në Shtetet e Bashkuara të Amerikës. Taremi me shokë, ishin planifikuar gjithashtu të luanin ndeshjet e tyre në grup (dhe ndeshjen e mundshme të raundit të 32-të) në Shtetet e Bashkuara, jo me Meksikën apo Kanadanë.
I vendosur në Grupin G, Irani do të përballej me Zelandën e Re më 15 qershor dhe Belgjikën më 21 qershor në stadiumin “SoFi” në Inglewood, Los Anxheles dhe së fundmi me Egjiptin, më 26 qershor në “Lumen Field” në Seattle.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje