.png)
Irani ka nisur vendosjen e minave në Ngushticën e Hormuzit, një nga rrugët më të rëndësishme të transportit energjetik në botë, që transporton rreth një të pestën e të gjithë naftës bruto globale.
Sipas CNN Irani ka paralajmëruar më parë se çdo anije që kalon nëpër ngushticë mund të sulmohet, dhe kanali është në praktikë i mbyllur që nga fillimi i tensioneve. Zyrtarët amerikanë e kanë përshkruar gjendjen e ngushticës si një “luginë vdekjeje” për shkak të rreziqeve të mëdha që paraqet tranziti.
Presidenti i SHBA-së, Donald Trump, kërkoi nga Irani që të heqë menjëherë minat në Ngushticën e Hormuzit, duke paralajmëruar për pasoja të rënda ushtarake në rast të mosveprimit.
“Nëse Irani ka vendosur mina në Ngushticën e Hormuzit, për të cilat nuk kemi raportime, hiqini ato menjëherë. Përndryshe, pasojat ushtarake do të jenë të pashembullta. Megjithatë, nëse i heq ato, do të ishte një hap në drejtimin e duhur”, shkroi Trump në llogarinë e tij në rrjetin social Truth.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje