Nga Gazeta 'Si'-Irani mund të godasë selinë e shërbimit inteligjent izraelit Mossad në Tel Aviv. Kjo është raportuar nga transmetuesi iranian Press TV. Sulmi për t'u hakmarrë për vdekjen e Ismail Haniyeh në Teheran dhe Fuad Shukr në Bejrut mund të drejtohet kundër zonës Kirya, kompleksit qeveritar në qendër të Tel Avivit.
Objektiva të tjerë të mundshëm të cituar nga Press TV përfshijnë kibbutz Palmachim, bazat ajrore dhe raketore Tel Nof dhe Sdot Micha, si dhe selinë operative të njësisë së inteligjencës ushtarake 8200.
Ndërkaq shpërthime u raportuan të martën pranë dy anijeve tregtare në brigjet e Jemenit, thanë dy agjenci të sigurisë detare, duke shtuar se nuk pati të lënduar apo dëme.
Komanda Qendrore Ushtarake Amerikane (Centcom) për Lindjen e Mesme deklaroi nga ana e saj se kishte "shkatërruar dy anije Houthi në Detin e Kuq".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
