Gazeta Si – Në ‘Marassi’ Interi nuk shkoi më shumë se barazimi 0-0. Skuadra e Inzagit u përplas kundër mbrojtjes së Sampdorias dhe tashmë mbetet -15 nga Napoli. Në shtesë Açerbi goditi traversën, ndërkohë që pati edhe tension mes Lukakut dhe Barelës.
Interi nuk arriti ta çajë murin e Sampdorias dhe ngadalëson hapin në javën e 22- të Serisë A. Pas këtij barazimi zikaltrit ndjejnë afër në renditje Atalantën, Romën dhe Milanin. Ishte një mbrëmje e komplikuar për zikaltrit, pak të kthjellët para portës kundërshtare.
Interi kishte zotërimin e topit, por pa mundur të rrezikonte seriozisht në pjesën e parë. Në pjesën e dytë një rast të mirë kishte Çalhanoglu, por skuadra e Stankoviç u mbrojt mirë dhe në shtesë pati edhe fatin me vete, sepse e shpëtoi traversa pas një goditjeje të Açerbit.
Giusta risposta di #Lukaku, ma gli insulti evitiamoli… 🫣🤔#SampdoriaInter pic.twitter.com/TbYJczbQUp
— Piacere, tifo Inter! (@piacere_inter) February 13, 2023
Në pjesën e parë, saktësisht në minutën e 38-të, pati një moment nervozizmi mes Lukakut dhe Barelës. Belgu gaboi në një kontroll topi dhe Barela shfaqi hapur pakënaqësinë e tij me duar. Sulmuesi reagoi dhe iu drejtua shokut të skuadrës: “Mjaft, mjaft! Nuk bëhet kështu”. Lukaku tha edhe fjalë të tjera, duke e sulmuar rëndë Barelën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
