Gazeta Si – Ai barazim në ‘Camp Nou’, që thuajse i jep Interit ‘biletën’ e kualifikimit, duket se e ka rilindur skuadrën e Inzagit. Zikaltrit kanë bindur edhe në kampionat, duke mundur me lehtësi 2-0 Salernitanën.
Përsëri protagonistë në fushë ishin sulmuesi Lautaro Martinez dhe mesfushori Nikolo Barela, autorët e dy golave. Skuadra funksionoi shumë mirë dhe jep besim për ngjitjen e shkallëve në klasifikim. Pas 10 ndeshjesh, Interim ban vendin e 7-të me 18 pikë, 6 pikë larg kreut.
— golsel (@golsel3) October 16, 2022
Kristjan Asllani, i cili ishte menduar për titullar në ndeshjen e sotme, e nisi sërish nga stoli. Në fund trajneri Inzagi zgjodhi Mkhitarianin të luante nga minuta e parë, duke treguar se nuk ia ka falur gabimin ndaj Barcelonës futbollistit shqiptar.
Asllani qëndroi 20 minuta në fushë dhe bëri lojën e tij të zakonshme, duke u vlerësuar me notën 6, më mirë se Mkhitarian. Në momentin e futjes së Asllanit në fushë, tifozët e Interit e kanë duartrokitur, duke i dhënë kurajë për të kaluar momentin delikat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
