Ambasadori i Bashkimit Europian, Luigi Soreca, u takua sot me kryeministrin Edi Rama, në fillim të mandatit të tij të përkohshëm si i Ngarkuar me Punë i BE-së në Shqipëri.
Në një postim në rrjetet sociale, faqja e BE-së në vendin tonë, ka ndarë një fotot nga takimi mes tyre, ku thuhet se ky është një moment kyç për zgjerimin e BE-së dhe procesin e integrimit të Shqipërisë. Ambasadori ka shprehur mbështetjen e plotë të unionit për konsolidimin e reformave dhe transformimin e vendit në rrugën e tij drejt BE- së.
“Ambasadori i Bashkimit Europian, Luigi Soreca, u takua sot me kryeministrin Edi Rama, në fillim të mandatit të tij të përkohshëm si i Ngarkuar me Punë i BE-së në Shqipëri. Në një moment kyç për zgjerimin e BE-së dhe procesin e integrimit të Shqipërisë në BE, Ambasadori Soreca konfirmoi mbështetjen e plotë të BE-së për Shqipërinë me synimin për konsolidimin e progresit të arritur deri tani, intensifikimin e mëtejshëm të procesit të reformave në muajt e ardhshëm dhe thellimin e transformimit të vendit në rrugën e tij drejt BE- së”.
Në këtë takim është diskutuar edhe për përgatitjen e Samitit të ardhshëm të Procesit të Berlinit në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.