.png)
Nga Gazeta 'SI' - Qytetarë dhe prindër janë mbledhur sot para ministrisë së Arsimit në shenjë proteste për vrasjen e 14-vjeçarit, Martin Cani.
Kjo është protesta e dytë ku prindërit kërkojnë që të garantohet siguria e fëmijëve të tyre në institucionet arsimore, si edhe dorëheqjen e ministres së Arsimit.
Gjatë protestës mbajti një fjalim Jonida Proga, motra e Egli Progës që u vra në Pogradec. Në fjalimin e saj, ajo bëri thirrje për drejtësi dhe përgjegjësi nga institucionet për vrasjen e Martinit duke i thënë policisë që të mos bëjë “të njëjtin gabim” si me vëllanë e saj.
“I bëj thirrje policisë, mos bëj të njëjtin marifet si me vëllain tim. Gjej jataganin dhe vrasësin tjetër e të mos justifikohet. Qeveri po të thërras, po rrit kriminelë, ke përgjegjësi për atë që vrau Martinin. I bëj thirrje popullit të na bashkohen, ti bashkohen dhimbjes sonë. Mos bëni sehir por ngrihuni dhe bashkojuni Florinës”, tha Proga.
Martin Cani u vra më 18 nëntor, në mes të ditës më thikë nga bashkëmoshatari i tij, Mario Përlleshi.
Pjesë e protestës ishte dhe babai i adoleshentit të ndjerë. Ëngjëll Cani u pikas nga mediat në turmën e qytetarëve të mbledhur para Ministrisë së Arsimit dhe Sporteve.
Por edhe pse disa media iu afruan me mikrofon, babai i viktimës së sherrit mes adoleshentëve në shkollën "Fan Noli", nuk pranoi që të mbante një fjalim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
