.png)
Nga Gazeta 'SI' - Inflacioni në vend gjatë muajit tetor raportohet në nivelin e 1.9%, aq sa edhe në muajin shtator.
Një vit më parë ky tregues ishte 3.8%.
INSTAT raporton se grupi i argëtimit dhe kulturës, ka pasur rritjen më të fortë vjetore, 5%, pasuar nga pijet alkoolike dhe duhani me 3.6%, veshjet e këpucët me 3.5% dhe ushqimet me 3.1%.
Brenda grupit të ushqimeve çmimet e nëngrupit “zarzavate përfshirë patatet” patën një rritje me 8.3 %, pasuar nga nëngrupet “peshk” me 4 %, “mish” me 3.9 %, “qumësht, djathë dhe vezë” me 3.2 %, “sheqer, reçel, mjaltë, çokollata dhe ëmbëlsira” me 1.8 %, etj
Nga ana tjetër çmimet e grupit “Transporti” shënuan ulje me 5.3 %.
Krahasuar me muajin shtator 2024, çmimet e grupit “Veshje dhe këpucë” dhe “Argëtim dhe kulturë” u rritën me 0.4 % secili, pasuar nga grupet “Ushqime dhe pije joalkoolike” dhe “Pije alkoolike dhe duhan” me 0.3 % secili, “Hotele, kafene dhe restorante” me 0.2 %, “Mobilje, pajisje shtëpie dhe mirëmbajtje e shtëpisë”, “Shëndeti” dhe “Shërbimi arsimor” me 0.1 % secili. Nga ana tjetër çmimet e grupit “Transporti” shënuan ulje me 0.5 %, pasuar nga grupi Qira, ujë, lëndë djegëse dhe energji” me 0.2 %
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
