.png)
Bizneset në SHBA po rrisin pagat ndërkohë që inflacioni po ecën me ritmet më të shpejta në 40 vite, me punonjës që nuk barazojnë dot shpenzimet me fitimet.
Bizneset e tregtisë, linjat ajrore dhe rezortet po rrisin pagat që të tërheqin punonjës. 92% e bizneseve planifikojnë rritje të pagës së punonjësve të tyre gjatë vitit, nga 85% që e mendonin vjet.
Kjo u njoftua pas të dhënave zyrtare se inflacioni në SHBA arriti 7.9% në shkurt, niveli më i lartë që nga 1982-shi.
Një rritje e pagës mujore do të rrisë fuqinë punëtore dhe fuqinë blerëse atje.
Sipas sondazhit të fundit nga Gallup, për amerikanët inflacioni është problemi më i madh momentalisht, ku pothuajse 60% e tyre shqetësohen për çmimet në rritje.
Fuqia blerëse e konsumatorëve amerikanë ra në nivelin më të ulët në muajin mars, ndikuar nga inflacioni i lartë, çmimet e luhatshme të naftës dhe kaosit gjeopolitik. Së fundmi edhe vendimi për rritjen e normës së interesit.
Ekonomistët thonë se inflacioni do të zgjasë deri në 2 vite, por ai ishte paralajmëruar më herët.
Burimi: FT/ CNBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
