.png)
Nga Gazeta ‘SI’- Gjatë muajit gusht, inflacionit në vend ra në 2% nga 2.1% që ishte në korrik duke prekur kështu normën më të ulët në 2 vite.
Edhe pse niveli i Indeksit është në rënie, çmimet e shportës vazhdojnë të shtrenjtohen me ritme të qëndrueshme. Sipas INSTAT, një vit më parë inflacioni raportohej 4%.
Nga një vit më parë, rritja më e madhe e çmimeve vërehet në grupin e argëtimit dhe kulturës, 4%, ndjekur nga veshje dhe këpucë me 3.9%, pije alkoolike dhe duhan me 3.6% etj. Ushqimet dhe pijet joalkoolike, nga një vit më parë janë shtrenjtuar me 2.4%. Nga ky grup zarzavatet dhe patatet janë rritur me 5.5%, vezët dhe bulmeti me 4.4%.
Në raport mujor, rritja më e madhe e çmimeve ka ndodhur po ashtu tek grupi i argëtimit dhe kulturës me 1.8%, ndjekur nga ushqimet dhe pijet joalkoolike me 1%.
Ndonëse çmimet mbeten të qëndrueshme, treguesi i inflacionit po bie shpejt duke qëndruar shumë poshtë objektivit 3% të Bankës së Shqipërisë.
BSH thotë se inflacioni është zbutur ndjeshëm për shkak të kursit të këmbimit dhe rënies së stimujve të jashtëm, por thekson se rritja e pagave në nivel kombëtar është presion i shtuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
