.png)
Nga Gazeta 'SI' - Inflacioni është rritur lehtë gjatë muajit maj, por mbetet poshtë objektivit 3%.
INSTAT raporton se në maj inflacioni ishte 2.2% nga 2.1% në prill. Një vit më parë raportohej 4.7%.
Nga prilli në maj, rritjen më të madhe të çmimeve e kishte grupi i argëtimit dhe kulturës, 0.6%, ndjekur nga mobiljet dhe pajisjet shtëpiake me 0.5% dhe pijet alkoolike dhe duhan me 0.2%. transporti që lidhet me karburantet dhe ushqimet, janë ulur me 0.7%.
Por në raport mujor, produktet e shportës raportohen me rritje, nga ushqimet tek shërbimet. Specifikisht ushqimet janë shtrenjtuar me 1.5% nga një vit më parë. Zarzavatet dhe peshku kanë pasur rritjen më të madhe të çmimit me 5.4% dhe 5.2%.
Kjo është hera e parë që inflacioni rritet për këtë vit, duke treguar se presionet janë ende prezente.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
