Gazeta Si – Presidenti i FIFA-s, Xhani Infantino, nuk rresht së reklamuari Botërorin e Katarit, që fillon të dielën. Ai e ka konsideruar gjithmonë si më spektakolarin e histories së futbollit, edhe pse shumë të tjerë mendojnë ndryshe, madje dhe janë penduar që ia kanë dhënë organizimin e tij Katarit.
Në një konferencë të fundit për shtyp në Doha, numri 1 i ‘qeverisë’ së futbollit botëror ka shprehur gjithë solidarizimin e tij me arabët, homoseksualët dhe punëtorët emigrantë, tema të nxehta për këtë Botëror:
“Sot ndihem katariot, sot ndihem arab, sot ndihem afrikan, sot ndihem gej, sot ndihem nje person me aftësi të kifizuara, sot ndihem një punëtor emigrant”, – ka thënë Infantino në fjalimin e tij.
Organizatorët e Kupës së Botës në Katar janë objekt i kritikave të forta në lidhje me shkeljen e të drejtave të njeriut dhe diskriminimin, veçanërisht për komunitetin LGBTQ. Me afrimin e startit të Botërorit kritikat janë bërë edhe më të ashpra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
