Izraeli dhe Emiratet e Bashkuara Arabe mund të presin së bashku Botërorin e futbollit në 2030-ën. Kjo është ideja e presidentit të FIFA-s, Xhani Infantino, i cili e ka hedhur këtë hipotezë gjatë një takimi me kryeministrin izraelit, Naftali Benet, në Jerusalem.
Infantino ndodhet në Izrael për disa takime pune dhe në takimin mes tij dhe kryeministrit Benet kanë marrë pjesë edhe ish-amabasadori amerikan në Izrael, David Friedman, si dhe ish-sekretari i thesarit në Amerikë, Steven Mnuchin.
Për momentin është vetëm një hipotezë nga ana e kreut të FIFA-s, ashtu si dhe ajo për zhvillimin e Botërorit çdo dy vjet, që ka ndarë opinionin publik. Një pjesë e mirë janë kundër prishjes së traditës së Botërorit dhe organizimit të tij çdo katër vjet, ndërkohë që ka edhe nga ata që e shohin si një ide interesante, që mund t’i sjellë të mira futbollit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
