Nga Gazeta 'SI' - Shqipëria është një ndër 100 vendet më mikëpritëse në botë për bizneset StartUp dhe mban vendin e 72-të. Matur nga “Startup Blink”, indeksi i ekosistemit të StartUp-eve tregon se në 2024-n Shqipëria u ngjit me 2 vende.
Ndonëse është ende në hapat e para, Shqipëria, thotë raporti, po bën përpjekje për ta zhvilluar më tej këtë industri. Shqipëria ka burime të afta njerëzore në fushën e IT-së si edhe të gjithë ndihmën e nevojshme për t’u bërë një qendër teknologjie, shkruhet në raport.
![](https://gazetasi.al/wp-content/uploads/2024/06/WhatsApp-Image-2024-06-04-at-13.39.05.jpeg)
Edhe pse ka qenë një nga vendet me ikjen më të madhe të trurit në Ballkanin Perëndimor që nga viti 2010, ekosistemi StartUp-eve i Shqipërisë është ende shumë i ri.
Për më tepër, Shqipëria tërheq një gamë të larmishme talentesh, pasi ofron viza nomade digjitale që mund të zgjaten deri në pesë vjet. BE-ja ka mbledhur fonde për zhvillimin dhe financimin e startup-eve për të ndihmuar Tiranën të bëhet një qendër e madhe inovacioni në rajon”, shkruan StartUp Blink.
Gjithsesi, vetë Tirana ka humbur 6 pozicione në renditjen botërore të kryeqyteteve të teknologjisë dhe pozicionohet e 465-ta në nivel global.
Shqipëria renditet e 18-ta në Europën Lindore dhe 39-ta në kontinentin Europian. Gjithashtu, jemi
Serbia qëndron para nesh në vend të 53-të, ndërkohë këtë vit kemi lënë pas Maqedoninë e Veriut e renditur në vend të 77-të. Maqedonia e Veriut shihet të ketë rënë në renditje me 7 pozicione, ndërsa Bosnje Hercegovina është përmirësuar me 4 pozicione duke u renditur në vend të 96-të. Nga ana tjetër, Kosova është në në vendin e 99-të, duke u përmirësuar më 2 pozicione.
Vendi më i perfekt për biznese StartUp është SHBA, ndjekur nga Mbretëria e Bashkua, Izraeli, Kanadaja, Suedia dhe Singapori.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.