.png)
Nga Gazeta ‘SI’- Shqipëria renditet në vendin e 65 nga 166 shtete të botës në Indeksin e Prosperitetit. Sipas shifrave, Shqipëria nuk e lë këtë pozicion që nga viti 2011.
Indeksi vlerëson Prosperitetin e një vendi sipas 12 shtyllave, nga ekonomia tek liritë indidviduale.
Aty ku vendi ynë performon më mirë (sa më afër 1 aq më mirë) janë fushat e sigurisë, edukimit dhe mjedisit, ku ajo mban vendin e 57-të. Renditja më e dobët është ajo që vlerëson cilësinë e ekonomisë së vendit dhe kapitalin social, respektivisht në pozicionin e 101-të dhe 128-të.
Për qeverisjen, Shqipëria renditet e 75-a, për kushtet e jetesës e 80-a, liritë personale 73, shëndeti 66 dhe infrastruktura 63.
Shteti që renditet i pari në këtë Indeks është Danimarka, ndjekur nga vendet e Nordikut. Shtetet europiane dominojnë vendet kryesore të listës. Në fund gjendet Sudani i Jugut, Jemeni dhe shtete të tjera të Afrikës.
Prosperitet, shkruhet në dokumentin e Indeksit, ndërtohet kur liderët bëjnë zgjedhje për t’u zhvilluar në një shoqëri që është gjithëpërfshirëse dhe ka një kontratë të fortë sociale që mbron liritë themelore dhe sigurinë e çdo individi. Eshte drejtuar nga një ekonomi e hapur që shfrytëzon idetë dhe talentet e njerëzve të një kombi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
