Gazeta Si – Administratori i një farmacie në Tiranë dhe farmacistja janë arrestuar gjatë aksionit të koduar “Medicaments”, pasi mbanin ilaçe kontrabandë dhe pa pullë.
Në pranga kanë rënë Ermir Haxhiaj 44 vjeç administratori i farmacisë dhe 27-vjeçarja G.B., farmaciste.
Ata akuzohen për kontrabandë me mallra të tjera, tregtim i mallrave kontrabandë, ruajtje e mallrave kontrabandë dhe shkelje e të drejtave të pronësisë industriale.
Policia kishte marrë informacion se në këtë farmaci mbahej një sasi e konsiderueshme e ilaçeve kontrabandë, pa pullë fiskale nga Agjencia Kombëtare e Barnave dhe Pajisjeve Mjekësore.
Materialet i kaluan Prokurorisë, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
