“Që kur pësova infarkt disa gjëra ndryshuan, veçanërisht në kokën time. Nisa ti jap më tepër vlerë çdo momenti. Ndonjëherë ne lojtarët nuk e bëjmë, nuk vlerësojmë atë që kemi e nuk besojmë se mund të bëjmë të lumtur shumë persona. Tashmë kjo ka ndryshuar”. Këto janë fjalët e Iker Casillas, ish-portierit të Real, aktualisht te Porto dhe kandidat për presidencën e federatës spanjolle të futbollit, gati një vit pas sulmit në zemër.
Në një intervistë për median zyrtare të klubit luzitan, ish-portieri i Real Madrid ka pranuar se muaji i parë ishte më i keqi. “Pas atakut në zemër për një muaj kisha frikë të ecja – ka treguar ai, kisha frikë të flija e të bëja edhe veprimin më të vogël fizik. Ishte e pamundur, u ndjeva i trishtuar, por tani ndihem mirë. Megjithatë vazhdoj akoma me trajtimet mjekësorë. Besoj se vetëm mjekët mund të thonë çfarë mund të bëj e nuk mund të bëj” përfundoi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
